通脹數據一再爆表，現在還有那一些東西可以投資？

 最新一次通脹數據高達8%，在這種環境下還有那些東西可以投資？

REITs 投資入門101 (REITs/REITs ETF VNQ/Realty Income)

 

REITs 投資入門101 (REITs/REITs ETF VNQ/Realty Income)

IB 開戶一年 & 2021半年結

 

四蹄踏雪禮服貓，真心cute cute

IB 戶口自2020 年 4 月開始到而家，大話都差唔多有一年多少少。

我會話IB 戶口就好似一個原始人得到部 iPhone 咁樣，成個世界都唔同晒。

本來以前個世界只有港股，到而家港/美/新加坡股，corp bonds，options每樣都有啲。穩陣打現金流每月收錢，收完錢再買新貨，收息又唔收手續費，真心好用。

IB 真心好用，但真心要慢慢試慢慢學。option & margin 係製造現金流嘅利器，識用可以做到「空氣變錢」，唔識用就會好快爆倉。

Btw, IB 收費真心唔低，margin interest, transaction fee, commission, 每月$10 USD月費之類，一年加加埋埋就快夠我買到兩部MacBook Pro。

所謂嘅倉

以前用銀行買股票個時，同一時間hold 5個item 都已經覺得好多，用咗IB之後個倉而家hold 嘅item 有20 - 30隻，成日講笑咁講就快hold 嘅item 數目多過出面街嘅ETF or 銀行賣嘅fund，點解唔走去買盈富 or US index ETF 就算？

因為盈富基金入面有好多垃圾，US index ETF 就太低dividend，唔適合做現金流/用leverage。

開倉個時以ETD/CEF/SG-REITs/US-REITs 為主，曾經講過唔會買tech company，只係focus 收息再投資

去到今年年頭就轉打mixed portfolio，掃走晒啲ETD/SG-REITs，加一堆高息港股/HK-REITs/Giant Tech(AAPL MSFT GOOG)，再加定期short options。But 仍然堅持唔買TSLA，所以有排升到$900都唔關我事。

個倉最大目標就係希望做到 5年唔理佢都唔會有事，5年唔郁佢等佢自動波減槓就係最開心仔嘅事。

點解目標係 5年? 因為真心唔會知黨同國家幾時會特別照顧你。set 個target 5年唔理，堅持唔買垃圾/唔炒賣/唔賭錢，要做到auto-run，我諗應該都差唔多 & ok 合理，唔使怕到時再望個倉，個倉值會變到零。

講回報

QQQ YTD: 15%

VOO YTD: 16%

自己個fund YTD: 20%+

持倉以成個portfolio咁睇，亦會堅持成個fund 整體去睇，執著呢一刻某一隻股票有冇跑贏係冇特別大意思。因為可以係某個sector at this moment 跑輸/贏大市。

所以做active management 嘅重點係要成個fund跑贏所謂嘅「大市」，如果有一日跑唔贏嘅就會乖乖地買index ETF

But 老實講，~20% 係玩crypto 人眼中其實係非常低回報，話晒人地買BTC $29000入，$39000出，一個星期一來一回都30% 回報啦，仲做乜要睇年報同買股票？垃圾！
Hmmm...大概係我仍然相信股票、債券會係未來投資嘅主流，放多少少資金落去坐幾年都唔使太擔心。但如果真心相信crypto 好有未來，其實就應該每月出糧就轉晒去crypto咁至係。不過就真心未聽過有人咁做，亦未見過有人夠膽敢做。

同埋YTD 20%+ 其實真心唔多(特別係散戶大眾眼中)，你當我開倉係 10萬蚊港紙，而家先袋得個2萬蚊港紙。連普通一個打工仔一個月人工都比唔上。學連登仔話齋，「本少，就應該走去搏！」

不過我怕輸錢，我寧願keep 住而家個倉靜靜地每個月收息減槓。

YTD 20%+ 其實都算好滿意架啦，如果以20%計，基本上每4年睇一次奧運會，個倉值就會double，即係大概4年後，個倉嘅「10萬港紙」就會變成「20萬港紙」。不過我相信到時同連登仔講20萬港紙，20%回報都係會俾佢地笑，因為每年只係得4萬蚊港紙落袋。

下半年展望

預期經濟會繼續向好，通漲點都會到，不同類型嘅物價都會升，企業會將佢地嘅product & service 加價。而家個倉有一堆地產收租related items，預期經濟好 -> 佢地會加租 -> end product 物價升。繼續持有&重倉領展(領展真心CLS，全行得佢有能力加租)。預期Giant Tech company 嘅product & service會隨住經濟好而反應係業績之上。

繼續派息 -> 買貨 -> 再派息 -> 再買貨嘅flow

持續投資，持續投資，持續投資(重要嘅事)

經常聽到有種講法，話啲人上一代人好好彩，有03年SARS 樓市大跌，要等股災等樓爆，然後就入市。希望有呢種諗法嘅人會係今年有入市，就算未入，而家入都未算十分遲，話晒肺炎都未真正完晒，係唔係先?

9月倉位更新

紀錄一下最近兩個月的倉位變化

- 出清所有overpar的ETD/preferred shares, 有C-PRN, PJH, 

當初買入PJH原因是純粹認為倉位應該要有些ETD, 所以隨意揀幾隻買, 當時好似係$25.6

而賣出PJH 原因係因為每日成交量低，搶心流通量問題，最後收咗一次息就平手走

賣完PJH之後一個月就見到出通告收回PJH, 股價由25.6->25.3->25

賣C-PRN 係因為見到PJH回收ETD, 認為citi corp 都有機會收回C-PRN, 同樣收咗一次息就平手賣走

將賣走ETD嘅倉位轉做 GEO Group, 5.125% 1apr2023, 雖然同C-PRN比所以到嘅息會少咗(7% vs 5%)，不過考慮到GEO 2023 係below par, 2023 年會回升返去$100(如果GEO唔執笠嘅話)，就咁睇輸嘅機會係比用overpar 買嘅C-PRN細。

ETD類仍然持有SOJD(below par $24.9買入), TBB(over par $26買入)

另外就係新加入US-REITs, STOR, O,暫時只佔倉位 <10%

SG-REITs 本身有A17U, AJBU, M44U, ME8U, N2IU，另外再加咗C38U, C61U 同埋CJLU，黎緊短期內應該會再加C38U，因為我認為商場點都會有人行，更何況係capital land 嘅商場

CEF 倉位仍然係主要RQI, PTY, 仲有少量PDI。RQI, PTY都差唔多買到盡, 各佔倉位15%，應該唔會再加CEF倉，除非有新一輪特價，又或者搵到新嘅CEF值得去買先再加。

暫時margin ratio仍然算低, 只有1.05，會慢慢加上去。但始終唔會加太多，因為冇人可以100%保證中美雙方係今年內唔會開戰。投資係會做，但以唔輸身家為先決條件。

暫時目標係加短債/US-REITs/領展，又或者慢慢加新area, 例如US index ETF/美國醫藥相關公司/其他收租or穩定收入公司.

p.s. 最新賣出1038.HK 長建，平價轉去1113.HK 長地，原因係

- 長建成交量長期偏低，只有長地10% - 20%，市場資金偏向去長地。過往幾年嘅係長建成交量高過長地
- 本來分拆長地係專注香港地產，長建做海外基建，而家反而係長地做外海基建收購
- 最近兩年海外收購都係以長地帶頭，同再早幾年長建帶頭收購唔同，長江似乎已經將重心由長建轉去長地(特別係由李澤鉅接任長和系主席開始就有變化)
- 長地減派息，保留現金；長建冇賺多錢，但維持派息金額，有重為咗堅持25年派息紀錄為派而派嘅感覺
- 長江大股東兩位李生最近幾個月都買長地，而唔買長建/長和，一直都認為買長和系股票，應該企李生個邊，而唔係企李生對面，所以將倉位由長建搬去長地

p.p.s 如果有時間，會認真研究下美國「醫藥科技股」，即係藥廠/醫療機器個啲。長期升得黎唔易俾市場熱炒(唔似TESLA)，雖然話ARKG都有包類似嘅ticker, 但我認為ARKG個list未包晒我想要嘅野。

究竟有啲咩公司要咁神秘?

 有一隻叫TMO, 完全穩定地跑贏VOO同QQQ 十幾年，唔使怕市場日日炒上炒落心臟病發。
至於點解咁勁? 不如你又試下做功課留言講下，睇下大家想法係唔係差唔多。

以創業的心態去打工

今日想講下職場上嘅心態，關於打工嘅。

想講下「思維控制行為，行為控制結果」呢個諗法。

常見打工的心態有幾種

1. 收錢做夠要求本份就算，唔會做多
2. 收錢唔做野
3. 由公司角度出發，用創業嘅心態去做事

香港大部份嘅都係case 1，少部份係case 2，case 3應該比case 2少。

我覺得3者本身冇對與錯，係在乎個人選擇。

例如case 1，有人覺得我收人$100，就應該付出$100嘅力就算，留返啖氣去hea下仲好，最好就係付出$50嘅力，得到$100。

其實都唔係唔得嘅，不過我相信競爭力係長期練習出黎。

長期咁hea 落去只會得到短期效果，到最尾會死得好慘。

同埋咁樣做事應該好大機會學唔到野，個人唔會有進步。

case 2 就擺明係唔知返工做乜架啦。

case 3 係想講多啲嘅

由創業嘅心態去做事，就係首先要認識份人工係點黎。

每個月份人工就係: 由客收返黎嘅錢 - 成本 - 公司期望嘅profit - 老闆自己要袋嘅profit，最後就係入你袋嘅錢。

同普通打工人諗嘅分別係，普通人認為份人工係

由客收返黎嘅錢 - 成本 就係應該分派嘅薪金，等我拎完分完先至到老闆拎。

打工出糧，天公地道，話知你公司賺錢唔賺錢。

兩個諗法最大分別係，創業心態打工會以滿足公司盈利為首要條件，再以滿足老闆口袋要求為第二條件。

即係將老闆唔當係老闆，而當老闆係客咁嘅心態，盡力要求自己滿足唔同群眾需要之後，先至去提取工作應該有嘅盈利。

咁樣做係有好處，因為打工要成功，首先就係要公司繼續生存，第二就係要老闆繼續生存。

你份工先至有機會繼續做落去。

睇落好似好奴隸心態，但呢個係打工嘅事實。

不過又唔係冇收獲嘅，因為你出嘅力多咗，可以接觸嘅範圍多咗，其實個人會再進步更多。

老闆對你嘅依賴性又會提高，你嘅議價能力又高啲。

到時你想走出黎做又得，係原本公司升職加人工都得。

以創業心態做事，最容易做到嘅，通常都係一啲前線嘅位。

例如經常對客嘅位，因為呢個位係最容易拎住公司嘅資源，去試你想試嘅ideas.

一個人同時負責幾個position 唔係壞事，公司俾資源你，俾埋後勤support你，收住人工咁去試新project，你只需要諗辦法點去serve 個客，點樣link up 公司唔同party，計cost control、order quantity prediction等等，其實係可以當一個小創業嘅訓練。

到有一日有機會出黎做個時，呢啲就會係你嘅優勢。

老實講，何樂而不為？

週末閒談: Learning、Earning。

忽發奇想

有時英文用得多，原來都未必會細心留意當中嘅有趣位。

例如Learning 學習，同Earning 收入，只不過是相當一個英文字母L。

要賺錢，不論是賺取新area的主戶收入，或者是被動收入項目，最先要做的就是Learning 學問這一環。

想起香港證監會一句廣告標語:

明智投資 學問為先。

看似簡單，其實有好深智慧在中間。

[兌美元的123]港元兌美元不敗原因

 

最近幾個月港元兌美元(HKD - USD) 都在7.75附近徘徊，今天想寫一下兌美元的風險。

假設打算香港政府快要回吐的$10000 HKD，除了放入餅罐當儲蓄外，也可以把$10000 HKD換成$1290 USD，然後等港元兌美元跳到7.85那時，再把$1290 USD 換回HKD。

假如是一年內跳到7.85

結果會得出一個無風險的利潤: $10129 HKD - $10000 HKD = $129 HKD

即是1.29%回報。

如果再加上把兌換的美元轉去定期存款，年回報將會比1.29%高，就算一年內不跳回7.85，定期存款的利率都可以令資金回報保持在一個無風險低增長地方，最少比完全沒有增長還要好。

當然啦，兌美元後拿去投資美股也不錯，美股市場某部份的國庫債劵ETF都是可以考慮的。

至於實質風險呢...又不是完全沒有。

就是當港元兌美元脫離原定匯價 7.75 ~ 7.85，由7.75 進一步上升至7.7 / 7.6等等。

即是每$10000 HKD 換成$1290 USD後，再換回HKD 會變相少了港元。

7.7 的情況是$9933 HKD

7.6 的情況是$9804 HKD

好像很恐怖，不是嗎?

不過認真想一想，假如美國政經地位保持不變，有一天能夠用更少的港元換到 1美元。
到底我們應該是開心、還是煩惱?

正所謂，公我贏、字你輸。